Láta reyna á ábyrgð veghaldara
Setja bókamerki
Holur valda tjóni
- Tilkynnt hefur verið um 91 tjón vegna holuaksturs á vegum Vegagerðarinnar á árinu. Á sama tíma í fyrra voru þau 29 og aukningin nemur 213%.
- Í Reykjavíkurborg hefur verið tilkynnt um 23 tjón en þau voru 5 á sama tíma í fyrra. Aukningin nemur 360%.
- Fram hefur komið að biðraðir hafa myndast á dekkjaverkstæðum vegna ástandsins á vegum höfuðborgarsvæðisins.
- Dæmi eru um að allt að 7 bílar hafi skemmst í sömu holunni með stuttu millibili.
- Í nær öllum tilfellum sitja ökumenn uppi með tjónið óbætt og geta upphæðirnar numið hundruðum þúsunda.
Tjónum vegna holuaksturs á höfuðborgarsvæðinu hefur fjölgað um 248% á milli ára. Frá áramótum hefur verið tilkynnt um 122 tjón vegna holuaksturs, á sama tíma í fyrra voru þau 35. Félag Íslenskra Bifreiðaeigenda ætlar að láta reyna á hvort veghaldarar hafi skapað sér skaðabótaskyldu með ónógu viðhaldi.
Komið hefur fram að margoft hafi verið varað við því að vegakerfið myndi fara illa vegna sparnaðar í viðhaldi á vegum, Runólfur Ólafsson, framkvæmdastjóri FÍB, telur því nauðsynlegt að láta á það reyna fyrir dómstólum hvort veghaldarar hafi sýnt gáleysi með niðurskurði í viðhaldi vega sem kunni að skapa þeim skaðabótaskyldu.
Frá áramótum hefur verið tilkynnt um 122 tjón vegna holuaksturs til Sjóvá sem tryggir Vegagerðina (91 tjón), Reykjavíkurborg (23 tjón) og Hafnarfjarðarbæ (8 tjón). Þann 19. febrúar voru tilfellin 61, vandinn hefur því aukist eins og spáð hafði verið fyrir um. Einungis einum tjónþola tekist að fá tjón sitt bætt en tjón vegna holuaksturs fást ekki bætt með kaskó-tryggingu og ökumenn fá tjónið ekki bætt nema að búið hafi verið að tilkynna um holuna sem olli því.
Í Kópavogsbæ og Garðabæ þar sem VÍS sér um að tryggja veghaldara hefur verið tilkynnt um átta tjón frá áramótum athygli vekur að tvö þeirra hafa fengist bætt en eftir er að meta hin sex. Mikið hefur verið fjallað um ástandið að undanförnu og tilkynningum um holur hefur fjölgað mikið og því vekur að sama skapi eftirtekt að fjölda bættra tjóna hjá Sjóvá hafi ekkert fjölgað.
Holur valda tjóni
- Tilkynnt hefur verið um 91 tjón vegna holuaksturs á vegum Vegagerðarinnar á árinu. Á sama tíma í fyrra voru þau 29 og aukningin nemur 213%.
- Í Reykjavíkurborg hefur verið tilkynnt um 23 tjón en þau voru 5 á sama tíma í fyrra. Aukningin nemur 360%.
- Fram hefur komið að biðraðir hafa myndast á dekkjaverkstæðum vegna ástandsins á vegum höfuðborgarsvæðisins.
- Dæmi eru um að allt að 7 bílar hafi skemmst í sömu holunni með stuttu millibili.
- Í nær öllum tilfellum sitja ökumenn uppi með tjónið óbætt og geta upphæðirnar numið hundruðum þúsunda.
Kostnaðurinn nemur allt að þremur milljörðum
„Mjög miður að af þessu hljótist kostnaður“
Mennirnir í haldi lögreglunnar á Suðurnesjum
Rannsaka drómasýki í hestum
„Trúlega rákumst við saman“
Opin fyrir almennri kosningu biskups
Vantar fólk: „Þetta er gaman en það er ekki nóg“
Tímaspursmál hvenær framleiðslu verði hætt