Íbúar á höfuðborgarsvæðinu hafa sumir hverjir orðið varir við þrumur yfir borginni í kvöld og mátti greinilega heyra háværar þrumur í námunda við höfuðstöðvar mbl.is og Morgunblaðsins við Hádegismóa.
Þá lét einnig íbúi í Hlíðahverfi í Reykjavík mbl.is vita af háværum þrumum yfir miðborginni, en til þessa er ekki vitað til að ljósleiftur hafi sést á himni yfir borginni.
Uppfært klukkan 18:17
Eldingu sló niður í námunda við Bláfjallalínu, sem er ein af fáum loftlínum Orkuveitu Reykjavíkur, með þeim afleiðingum að henni sló út í fimm sekúndur. Varð því smávægileg rafmagnstruflun í kjölfarið.
Uppfært klukkan 18:27
Fjölmargir hafa nú sett sig í samband við mbl.is og tilkynnt um ljósleiftur víða yfir borginni. Hefur meðal annars borist ábending um slíkt náttúrufyrirbrigði í námunda við Ártúnsbrekku í Reykjavík, Garðabæ, Kópavogi og í Áslandshverfi í Hafnarfirði.
„Rétt áður en þrumurnar dundu yfir kom rosalegt ljósleiftur sem lýsti upp allt Áslandshverfið,“ sagði einn íbúi þar í samtali við mbl.is fyrir skömmu. Sagði hann einnig haglél hafa fallið til jarðar samhliða þessu. „Þetta var bara eins og í útlöndum.“
Þrumur og eldingar og eg held eg hafi aldrei öskrað jafn hátt 😭
— Karítas Sif (@karitas96) October 30, 2015
Þrumur og eldingar!!! YESSSSS LoVE IT!!!
— Erna Hreinsdóttir (@ernahreins) October 30, 2015
þrumur og eldingar hér í kópavoginum⚡☁
— Flokki (@flarsen123) October 30, 2015
Svona end of the world fílingur í manni þegar það eru þrumur og eldingar á Íslandi
— melkorka (@melkorka7fn) October 30, 2015
Ísland ákveður bara að henda í þrumur og eldingar í miðjum göngutúr
— Sigrún (@sigrunjuliaf) October 30, 2015
Þrumur og eldingar í miðbænum?
— Kristinn I Jónsson (@kristinnij) October 30, 2015
@Hjalti_th_th Jebb og þrumur. Var að hjóla við Austurver.
— Þorsteinn Guðmunds (@ThorsteinnGud) October 30, 2015