Fyrst talið að tveggja væri saknað

Bíll ferðamannsins sem fannst látinn við Löngufjörur á Snæfellsnesi í gær hafði verið þar í sólarhring. Maðurinn fannst skammt frá bílnum en ekki er talið að andlát hans hafi borið að með saknæmum hætti.

Í tilkynningu sem barst frá Landsbjörgu til fjölmiðla rétt eftir klukkan fimm síðdegis í gær kom fram að tveggja erlendra ferðamanna væri saknað. Allar björgunarsveitir á Vesturlandi voru kallaðar út, auk sporhunda og stjórnstöðvarbíls af höfuðborgarsvæðinu. Skila átti bílaleigubílnumí gær.

Aðeins var þó um einn ferðamann að ræða en búnaður sem fannst í bílnum var talinn benda til þess að þeir væru tveir. Ekki er hægt að greina frá nafni og þjóðerni hins látna að svo stöddu.  

Frétt mbl.is: Ferðamaðurinn fannst látinn

Frétt mbl.is: Ferðamaður fundinn við Löngufjörur

• 1 blogg um fréttina

Bloggað um fréttina

• S i g u r ð u r S i g u r ð a r s o n: Hvar eru Löngufjörur og Skógarnes?