Skíðasvæðin í Bláfjöllum og Skálafelli eru lokuð eins og stendur vegna rafmagnsleysis en mikið tjón varð á rafdreifikerfum landsins í aftakaveðrinu á mánudag og aðfaranótt þriðjudags.

Í tilkynningu skíðasvæðanna á Facebook segir að vonandi verði hægt að opna Bláfjöll um helgina.

Ólöf Snæhólm Baldursdóttir, upplýsingafulltrúi Orkuveitunnar, segir í samtali við mbl.is töluvert tjón hafa orðið á rafdreifikerfinu í gær í óveðrinu og brotnuðu hátt í 20 staurar og eru enn fleiri illa farnir eftir ísingu. 

Hún segir flesta notendur komna með rafmagn en stefnt er að því að koma rafmagni á Bláfjöll fyrir helgi. Aftur á móti gæti tekið lengri tíma að fá rafmagnið aftur á í Skálafelli.

Tengdar fréttir

Óveður í febrúar

„Ófremdarástand sem kemur niður á öllum“

• Gul viðvörun í allan dag
• Eitt erfiðasta vatnsárið í sögu Landsvirkjunar
• Þyrlan kölluð út vegna ferðamanna á Vatnajökli
• Kobbi Láka úr þjónustu eftir að hafa sokkið

» Fleiri tengdar fréttir

• Blogga um frétt