Ekki hægt að fresta „út í hið óendanlega“
Setja bókamerki
Katrín Jakobsdóttir forsætisráðherra segir það af og frá að fresta þurfi samgöngubótum þar til betur árar. Ljóst sé að samgöngubætur á höfuðborgarsvæðinu og víðar á landinu geti ekki beðið út í hið óendanlega.
„Það liggur alveg fyrir, og hefur gert um töluverða hríð, að það þurfti að fara yfir samgöngusáttmálann. Meðal annars það að einstaka framkvæmdir eru metnar dýrari en áður og líka vegna almennrar verðþróunar þar sem allt er dýrara en áður,“ segir Katrín í samtali við mbl.is að loknum ríkisráðsfundi í dag.
Hún segir að setjast þurfi yfir málin með haustinu þar sem skoðað verður hvaða leiðir eru í boði þegar stöðumat hefur farið fram.
„Þá munu fulltrúar ríkis og sveitarfélaga leggjast yfir það hvaða leiðir eru færar,“ segir Katrín.
Sumt vanáætlað
„Samgönguframkvæmdum verður ekki frestað á höfuðborgarsvæðinu út í hið óendanlega. Ekki frekar en annars staðar á landinu,“ segir Katrín.
Spurð hvort ekki hafi legið lengi fyrir að kostnaður yrði hærri en áætlanir gerðu ráð fyrir þá segir Katrín vissulega að legið hafi fyrir að sumt hafi verið vanáætlað en annað kosti einfaldlega meira en þegar áætlanir voru gerðar.
Kjörseðlar kláruðust: Aðsókn meiri en áætlað var
„Ég hélt ég myndi deyja, með dóttur mína í bílnum“
„Þær áttu bara að læra sína lexíu“
Krónan með stöðugasta móti
Forsetinn og utanríkisráðherrann látnir
Alþjóðlegi sakamáladómstóllinn vill handtaka Netanjahú
Telur að Rússar herði sókn sína í norðaustri
Lögregla hafi hvatt til afturköllunar kæru