Eftirlitið gaf Wok on í Krónunni einn í einkunn
Setja bókamerki
Veitingastaður Wok on sem var hýstur í Krónunni á Granda fékk einn í einkunn af fimm í eftirlitsferð Heilbrigðiseftirlits Reykjavíkur (HER) 5. desember. Þetta kemur fram í skýrslu eftirlitsins sem mbl.is hefur undir höndum.
Krónan sleit samstarfi sínu við veitingahúsakeðjuna í kjölfar aðgerðar lögreglu 5. mars sem beindist m.a. að hugsanlegu mansali. Davíð Viðarsson, áður Quang Lé, er skráður eigandi veitingastaðanna en hann situr nú í gæsluvarðhaldi vegna rannsóknarinnar.
Wok on var undir nánu eftirliti HER, m.a. vegna matvælalagers sem fannst í kjallara í Sóltúni 20 í september á síðasta ári. Félag í eigu Davíðs var með kjallarann á leigu og var grunur um að matvælin væru notuð á veitingastöðum sem voru einnig í hans eigu, þar á meðal Wok on og Pho Vietnam.
Vísbendingar um að handlaug væri lítið notuð
Heilbrigðiseftirlitið gerði ýmsar athugasemdir í skýrslunni, þar á meðal vegna matvæla sem átti að vera búið að henda. Voru það rækjur sem voru of gamlar og útrunnar núðlur í stóru plastboxi.
Þá gerði HER m.a. athugasemdir við að starfsmenn væru ekki í starfsmannafatnaði á staðnum, persónulegur fatnaður og munir væru geymdir í ræstiskáp inni á bás, hitastig í kæliborði væri of hátt, eggjastæða væri geymd utan kælis, hitastig í uppþvottavél væri ekki nógu hátt og innra eftirlit væri ekki virkt á staðnum.
Þá kom fram að handlaug væri þurr þegar eftirlitið hefði farið fram sem gæfi tilkynna að handlaugin væri ekki mikið notuð.
Einn í heildareinkunn
Heilbrigðiseftirlitið getur gefið einkunn fyrir hollustuhætti, matvæli og mengunarvarnir. Í skýrslunni er einungis gefin einkunn fyrir matvæli, sem í þessu tilfelli var einn af fimm mögulegum. Var heildareinkunn staðarins því einn.
Fái veitingastaður núll í einkunn á að stöðva starfsemina.
„Þetta þarf að fara að gerast“
Merkilegt hve lengi gosið hélt dampi
Stjórnvöld brjóti gegn alþjóðlegum skuldbindingum
Hollandi vísað úr Eurovision
Jaðarsetning það versta
Tók barn upp úr innkaupakerru móður