„Ég er mjög ánægð með þetta jafna 2% fylgi sem mér finnst endurspegla það að enn hefur í framboði mínu ekki verið neinu til kostað og ég held að það skýri að einhverju leyti þessa 2% tölu. En hún er alveg eins og ég átti von á eiginlega.“

Þetta segir Steinunn Ólína Þorsteinsdóttir forsetaframbjóðandi í samtali við mbl.is.

Í könnun Prósents sem kom út í morgun mældist Steinunn með 2,1% fylgi.

Frétt af mbl.is

Halla Hrund fer fram úr Jóni Gnarr

Segist ekki stunda hefðbundna kosningabaráttu

Steinunn hyggst ferðast um landið á næstu dögum og vikum til að reyna auka fylgið sitt. Hún kveðst ekki reka hefðbundna kosningabaráttu og telur mikilvægt að hitta fólk á ólíkum slóðum svo að hún geti kynnst samfélögum sem hún þekkir lítið til.

„Ég verð náttúrulega að grípa til aðgerða til að keyra upp fylgið með auglýsingum og svo er ég að ferðast um landið. Ég er ekki að stunda hefðbundna kosningabaráttu þar sem ég held stórar kosningavökur heldur er ég að hitta heimafólk í eins mörgum byggðum og ég sé mér fært að komast yfir fram að kosningum,“ segir Steinunn.

Í þessari viku er hún að fara í heimsóknir á Vesturlandi og um helgina fer hún á Vestfirði.

Tengdar fréttir

Forsetakosningar 2024

Fyrstu viðbrögð við kappræðunum

• „Ég ætla bara að eyða eins miklu og ég get“
• Halla svarar fyrir útgjöldin hjá Orkustofnun
• Fólki heimilt að kjósa oft í forsetakosningunum
• „Ég er ljón. Ljónin berjast og ég er að berjast að fá frið í heiminum“

» Fleiri tengdar fréttir

• Blogga um frétt