Dómur í Bátavogsmálinu gæti orðið fjölskipaður
Setja bókamerki
Til skoðunar er að dómur Héraðsdóms Reykjavíkur verði fjölskipaður með sérfróðum meðdómsmönnum í þinghaldi hins svokallaða Bátavogsmáls.
Þetta kom fram við fyrirtöku málsins í dag.
Þá hefur ákæruvaldið til skoðunar hvort að farið verði fram á yfirmat frá réttarmeinafræðingi varðandi dánarorsök karlmannsins sem fannst látinn.
Hefur ákæruvaldið óskað eftir fresti til að kynna sér matsgerð frá réttarmeinafræðingi betur.
Neitar sök
Dagbjört Guðrún Rúnarsdóttir er grunuð um að hafa orðið sambýlismanni sínum að bana á heimili þeirra við Bátavog í september í fyrra. Hún hefur neitað sök í málinu.
Myndefni sem tekið var upp 22. og 23. september á síma Dagbjartar og hins látna sýnir hana valda manninum ítrekuðum líkamsmeiðingum. Þá heyrðu nágrannar öskur í karlmanni sömu daga.
Töldu ástæðu til að meta sakhæfi
Ákæruvaldið taldi ástæðu til að meta sakhæfi hennar þar sem hún væri mögulega haldin ranghugmyndum. Kom það fram við þingsetningu málsins í janúar.
Því til stuðnings var nefnt að Dagbjört hefði talað um að hinn látni hefði verið með byssu sem var notuð við morðið á Olaf Palme, forsætisráðherra Svíþjóðar, undir höndum. Þá var einnig vísað til framburðar samfanga hennar.
Samkvæmt matsgerð sérfræðinga um geðrænt ástand Dagbjartar var hún metin sakhæf.
Ákæruvaldið fór í kjölfar þeirrar niðurstöðu fram á svokallað yfirmat á matsgerð sérfræðinganna. Héraðsdómur Reykjavíkur féllst á þá kröfu en verjandi Dagbjartar kærði úrskurðinn til Landsréttar.
Landsréttur felldi úrskurð héraðsdóms úr gildi.
Dómari vanhæfur í Hvammsvirkjunarmáli
Móðirin sögð hafa játað að verða syni sínum að bana
Halla svarar fyrir útgjöldin hjá Orkustofnun
Framboð Viktors metið gilt
„Fólk þolir óvissu í ákveðinn tíma“
Um 5.000 milljarðar í enduruppbyggingu
Átta létust og 229 slösuðust alvarlega
Verkfallsaðgerðir á Keflavíkurflugvelli samþykktar
