Flugvöllur í Vatnsmýri þó að spítali verði á Vífilsstöðum
Setja bókamerki
Þrátt fyrir að Framsóknarflokkurinn leggi áherslu á að byggður verði nýr Landspítali á nýjum stað þá breytir það ekki afstöðu flokksins til þess að flugvöllurinn eigi að vera áfram í Vatnsmýrinni.
Þetta staðfesti Lilja Alfreðsdóttir utanríkisráðherra í samtali við mbl.is. Hún leiðir lista Framsóknar í Reykjavík suður í komandi alþingiskosningum.
„Þó að spítalinn fari upp á Vífilsstaði, eins og við leggjum til, þá breytir það ekki þeim áformum. Flugvöllurinn verður áfram í Vatnsmýrinni,“ sagði Lilja.
„Við viljum að uppbyggingin á Landspítalanum verði kláruð. Við viljum að það sé skoðað hvort við getum farið að reisa nýtt þjóðarsjúkrahús sem tekur skemmri tíma en það sem er að gerast þarna. Það er búið að tala um að reisa nýtt sjúkrahús þarna í fjölda, fjölda ára og við erum ekki komin lengra en þetta,“ bætti Lilja við.
Höskuldur Þórhallsson, þingmaður Framsóknarflokksins, lagði í síðustu viku fram frumvarp um að Reykjavíkurflugvöllur skuli starfræktur í Vatnsmýri í Reykjavík. Þar segir meðal annars: „Er Reykjavíkurflugvöllur afar mikilvægur fyrir sjúkraflug með sjúklinga af landsbyggðinni á Landspítalann og þjónar sem slíkur sem miðstöð sjúkraflugs á landinu og hefur mikilvægi hans ítrekað sannast á undanförnum árum.“
Ályktað var á flokksþingi Framsóknarmanna í byrjun október að „vegna þjóðar-, almennings- og öryggishagsmuna leggur Framsóknarflokkurinn áherslu á að flugvöllurinn verði áfram í Vatnsmýrinni.“
„Okkur mun ekki bregða“
Kostnaðurinn nemur allt að þremur milljörðum
Telur að Rússar herði sókn sína í norðaustri
Fann bein og tönn úr dýrum í sprungunni
Vantar fólk: „Þetta er gaman en það er ekki nóg“
Krabbameinsfélagið undirbýr mikilvæga rannsókn
Óljóst hvort þyrlan sé fundin
Lögregla hafi hvatt til afturköllunar kæru