Leiðandi í byggingu íbúðarhúsnæðis

Fyrirtækið Stofnhús var stofnað árið 2020 og sérhæfir sig í þróun og byggingu íbúðarhúsnæðis. Þrátt fyrir ungan aldur hefur fyrirtækið náð góðum árangri og byggt hátt í 200 íbúðir. Velgengnina má vafalaust þakka ánægðum kaupendum en Stofnhús leggja mikla áherslu á góða þjónustu og jákvæða upplifun viðskiptavina.

Georg Ólafur Tryggvason og Unnur Pétursdóttir keyptu nýverið íbúð á þriðju hæð í Kugguvogi 26 og eru himinlifandi með nýju íbúðina sem og samskiptin við Stofnhús.

„Við seldum fjögurra herbergja íbúð á Öldugranda og keyptum þriggja herbergja íbúð hér en samt finnst okkur við vera í stærri íbúð. Þetta er vel byggt og það er svo mikið olnbogarými, virkilega vel hannað og mjög vandað. Við höfum samanburð úr öðrum stigagöngum í sama hverfi frá öðrum byggingaraðilum og það er miklu betri frágangur á öllu hjá okkur,“ segir Georg og bætir við að þau hjónin þurfi aldrei að fara úr hverfinu.

„Hér er allt til alls og svo erum við í alfaraleið, sama hvert ég ætla að fara þá tekur það enga stund.“

Stofnhús leggja ríka áherslu á góða stjórnun og utanumhald verkefna ásamt því að tryggja það að hönnun og framkvæmd uppfylli ströngustu gæðaviðmið. Ljósmynd/Aðsend

Gott aðgengi upplýsinga

Eitt af því sem skiptir Stofnhús miklu máli er að kaupendur hafi eins mikið af upplýsingum og hægt er enda er aldrei hægt að hafa of mikið af upplýsingum þegar verið er að kaupa eign. Aðgengi upplýsinga skiptir því miklu máli enda er vel haldið utan um kaupendur hjá Stofnhúsum, ekki síst fyrstu kaupendur. Að kaupa fasteign á að vera jákvæð upplifun og starfsfólk Stofnhúsa leggur sig fram við að standa við gefin loforð.

Hrafnkell P. H. Pálmason, löggiltur fasteignasali hjá Lind, hefur unnið við sölu fasteigna í um tíu ár og selt fyrir marga byggingaraðila í gegnum tíðina. Hann segir að fyrirkomulagið og framkvæmdin hjá Stofnhúsum sé eitt það besta og flottasta sem hann hefur tekið þátt í. „Og það á við um allt ferlið, hvort sem er undirbúningur fyrir eða eftir afhendingu sem og það sem þarf mögulega að laga eftir afhendingu. Það stenst allt sem Stofnhús segja,“ segir Hrafnkell og bætir við að Stofnhús leggi sérstaklega mikið á sig fyrir kaupandann.

Aðgengi upplýsinga skiptir miklu máli hjá Stofnhúsum og þar er haldið vel utan um kaupendur. Ljósmynd/Aðsend

„Hjá þeim snýst þetta svo mikið um jákvæða upplifun kaupanda að þau eru tilbúin að leggja ýmislegt á sig. Kaupendur hafa til að mynda getað haft áhrif á innréttingar og parket, komi þeir nægilega snemma að verkinu. Kaupandinn fær þá viðtal hjá Ormsson þar sem hann getur skoðað innréttingar. Vissulega býður þetta upp á flækjustig fyrir byggingaraðilann og seljandann en Stofnhús vilja veita góða þjónustu.“

Georg og Unnur taka undir þau orð Hrafnkels og tala um að það hafi aldrei verið neitt vandamál. „Við erum bara í einu orði sagt alsæl með þetta. Það hafa engin vandamál komið upp. Ekki einu sinni smávandamál. Ef við höfum þurft að spyrjast fyrir um eitthvað eða kannað eitthvað þá hefur alltaf verið brugðist strax við,“ segir Georg.

Unnur grípur orðið og minnist á bækling sem Stofnhús afhenda kaupendum við sölu: „Þar koma fram allar upplýsingar um húseignina og hvaðan allt efni,  eins og raflagnir, flísar, innréttingar og þess háttar, er þannig að við vitum hvert við eigum að leita ef við þurfum peru eða ef skápur brotnar. Þetta er til mikillar fyrirmyndar. Ég sýndi verkfræðingi þetta sem hafði starfað á markaðnum í fimmtíu ár og hann hafði aldrei séð svona flottan frágang og góðar upplýsingar til kaupenda.“

Jákvæð upplifun fyrir kaupendur 

Stjórnun verkefna fyrir Stofnhús er í höndum JT Verk sem sérhæfir sig í verkefnastjórnun byggingaverkefna. JT Verk er leiðandi fyrirtæki á sínu sviði og byggir á öflugu teymi stjórnenda sem hafa það að markmiði að veita viðskiptavinum góða og trausta þjónustu. Starfsmenn JT Verk hafa áratugareynslu af byggingu íbúðarhúsnæðis sem er mikilvægur styrkur inn í verkefni Stofnhúsa.

Þannig talar Hrafnkell um að upplýsingar til viðskiptavina um framvindu byggingarinnar hafi alltaf verið til fyrirmyndar hjá Stofnhúsum. „Ég get vottað það að hagsmunir kaupenda og að þeir hafi jákvæða upplifun er alltaf að leiðarljósi hjá Stofnhúsum.“

Að kaupa fasteign á að vera jákvæð upplifun og starfsfólk Stofnhúsa leggur sig fram við að standa við gefin loforð. Ljósmynd/Aðsend

Nýta góða reynslu

Stofnhús hafa það markmið að vera leiðandi í byggingu íbúðarhúsnæðis á Íslandi. Þrátt fyrir að markmið Stofnhúsa séu metnaðarfull þá hefur fyrirtækið fundið réttu leiðina til að ná markmiðunum, sem er að leggja ríka áherslu á góða stjórnun og utanumhald verkefna ásamt því að tryggja það að hönnun og framkvæmd uppfylli ströngustu gæðaviðmið.

Jónas Páll Viðarsson, Unnur Pétursdóttir, Georg Ólafur Tryggvason og Jónas Halldórsson hjá Stofnhúsum. Ljósmynd/Aðsend

Lykillinn að því er að velja til liðs við sig góða og trausta samstarfsaðila sem vinna með fyrirtækinu til lengri tíma. Stofnhús eru byggð á grunni aðila sem hafa verið lengi á markaðinum og þannig nær fyrirtækið að skila því besta úr þeirri reynslu til viðskiptavina sinna.  

Stofnhús þakka núverandi viðskiptavinum fyrir farsæl viðskipti og hlakka til að taka á móti nýjum kaupendum á komandi árum.

Frekari upplýsingar um Stofnhús má finna á síðunni: stofnhus.is.

• Blogga um frétt