Hér kemur réttur sem enginn má láta fram hjá sér fara, sérstaklega ekki þeir sem búa á stórum heimilum því þessi uppskrift mettar marga maga. Hér er allt sem þig vantar af vítamínum í einum litríkum rétti.
Holli haustkjúklingurinn (fyrir 6-8)
- 2 msk ólífuolía
- 900 g kjúklingabringur
- Salt og pipar
- ½ laukur, saxaður
- 2 sætar kartöflur, skrælaðar og skornar í litla bita
- 450 g rósakál, skortið í fjóra bita
- 1 tsk timían
- ½ tsk papríkuduft
- ¼ bolli kjúklingakraftur
- 6 bollar soðin hrísgrjón
- ½ bolli þurrkuð trönuber
- ½ bolli möndluflögur
Aðferð:
- Hitið ofninn á 180° og smyrjið eldfast mót með olíu.
- Steikið kjúklinginn á pönnu (til að loka honum) og saltið og piprið. Setjið í eldfasta mótið og setjið inn í ofn þar til tilbúinn. Leyfið kjúklingnum aðeins að kólna og skerið svo í litla bita.
- Setjið olíu á pönnu og steikið lauk, sætar kartöflur og rósakál. Kryddið með timían, papríku, salti og pipar. Eldið þar til orðið mjúkt og bætið þá við kjúklingakrafti. Leyfið að malla í 5 mínútur.
- Bætið við soðnum hrísgrjónunum, kjúkling og trönuberjum og komið blöndunni fyrir í eldföstu móti. Stráið möndluflögum yfir og bakið í 20 mínútur.
- Leyfið réttinum að standa í 5 mínútur áður en hann er borinn fram.