Matur | mbl | 23.3.2020 | 18:24

Krakkabátar af bestu gerð

Pizzabátar úr hvítlauksbrauði í sneiðum er algjör snilld. mbl.is/Colourbox

Hér færðu auðveldustu útgáfu af pizzabátum sem allir krakkar munu elska (líka fullorðnir). Fullkomið í næsta barnaafmæli. Og það sem gerir þessa uppskrift svo dásamlega er að hér er notast við tilbúin frosin hvítlauksbrauð í sneiðum, sem finna má víða í verslunum landsins.

Krakkabátar af bestu gerð

Frosin hvítlauksbrauð í sneiðum
Pizzasósa
Pepperóní
Ostur, t.d. cheddar

Aðferð:

Hitið grillið á ofninum.
Hitið hvítlauksbrauðin í 3-4 mínútur á hvorri hlið.
Takið brauðin út og setjið pizzaósu ofan á hvert brauð, ásamt pepperóni og rifnum osti. Einnig má setja tvö brauð saman í samloku ef vill.
Setjið aftur inn í ofn þar til osturinn hefur bráðnað.