Vikumatseðillinn í boði Ebbu Guðnýjar í hollari kantinum
Setja bókamerki
Tengdar fréttir
Uppskriftir
Hin fjölhæfa og skemmtilega Ebba Guðný Guðmundsdóttir á heiðurinn af vikumatseðlinum að þessu sinni sem er hollur og góður í alla staði. Ebbu verður jafnan orða vant er spurð hvernig hún vill láta kynna sig.
Kennari, bókarhöfundur, leikkona svo fátt sé nefnt
Hún er kennari að mennt en hefur fengist við margt. Hún hefur haldið fyrirlestra um heilsu og næringu barna og allrar fjölskyldunnar og upp á síðkastið hefur hún verið að halda fjöldann allan af stuttum og hnitmiðuðum fræðslu fyrirlestrum um matarsóun í fyrirtækjum landsins. Þar fer hún yfir hvernig má með einföldum hætti minnka matarsóun heima og nota peninginn í eitthvað skemmtilegra. Þá hefur hún fengist við bókaskrift og bókaútgáfu en bókin hennar Hvað á ég að gefa barninu mínu að borða? hefur verið prentuð 4 sinnum og selst í um 14 þúsund eintökum. Einnig hefur hún fengist við þáttagerð, en hún skrifaði og þátta stýrði Eldað með Ebbu sem sýndir voru á RÚV og gaf út tvær bækur samhliða þeim. Þá lék hún nýlega hlutverk í kvikmyndinni Sumarljós og svo kemur nóttin, sem byggð er á samnefndri verðlauna skáldsögu Jóns Kalmans í leikstjórn Elfars Aðalsteinssonar. Um þessar mundir les hún inn skáldsöguna Litla Kaffihúsið í Kaupmannahöfn sem Ugla útgáfa gefur.
Glútenlausir pitsabotnar
Hið allra nýjasta af nálinni er samstarf hennar og Karenar Jónsdóttur eiganda Kaju Organic við að koma hollum og lífrænum glútenlausum pitsabotnum á markað. Þær fengu styrk frá Nýsköpunarsjóði Haga, Uppsprettunni, til að þróa hugmyndina og koma botnunum sem fyrst á markað.
Ebba hefur mjög gaman að matargerð og hugsar líka vel um hráefnavalið og ekki síst að sporna við matarsóun. „Mér finnst yfirleitt mjög gaman að elda fyrir fjölskylduna eitthvað hollt og gott og sérstaklega gaman að sitja saman, borða og spjalla. En ef ég hef engan tíma, þá er það auðvitað ekki gaman,“ segir Ebba og hlær.
Mánudagur – Linsu- og grænmetissúpa Ebbu
„Þessi súpa er fljótleg, holl og ódýr. Ég hef hana oft á mánudögum.“
Þriðjudagur – Maríneruð bleikja og agúrkusalatsósa
„Mér finnst fiskur mjög góður og bleikja hittir alltaf í mark. Mér líst mjög vel á þessa bleikju útgáfu. Fín spariútgáfa og tilbreyting frá minni en þar steiki ég bleikjuna á roðinu (sný fisknum aldrei við) og kreisti mikið af sítrónusafa eða límónusafa yfir flökin og krydda vel með sítrónupipar. Læt svo fiskinn eldast rólega upp en gæti þess að of elda hann ekki.“
Miðvikudagur – Girnilegur kjúklingaréttur
„Þennan kjúklingarétt hef ég gert oft. Hann er fáránlega góður.“
Fimmtudagur – Heimalagðar ítalskar kjötbollur
„Hver elskar ekki ítalskar kjötbollur?“
Föstudagur - Pítsakvöld
„Þessa pítsu geri ég enn þá fyrir alla nema mig en er löngu hætt að nota vínsteinslyftiduft. Það þarf ekkert. Núna borða ég og geri fyrir mig glútenlausa pítsu og það er hún sem er á leiðinni á markað von bráðar í samstarfi við Kaju Organic.“
Laugardagur – Ómótstæðilega góð fiskisúpa
„Allir heima hjá mér elska fiskisúpur, þessi lítur mjög vel út.“
Sunnudagur - Humarrisotto
„Svo finnst mér risotto svo svakalega gott, borða það mikið þegar ég heimsæki Ítalíu. Ég hlakka til að gera þetta risotto.“
Tengdar fréttir
Uppskriftir
Sérkennilegt hjá borginni
Stýrivextir Seðlabankans óbreyttir
FFR og Sameyki undirrita langtímasamning
Vill ekki „aumingjalegar“ lækkanir á röngum tíma
Grindavíkurbær fækkar starfsfólki
Hera komst ekki áfram
Erfiðar viðræður að baki