Matur | mbl | 26.11.2023 | 12:30

Dýrðlegur kjúklingur með rjómabernaisesósu

Dýrðlegur þessi ljúffengi kjúklingaréttur. Hér er kjúklingurinn í rjómabernaisesósu sem er kemur skemmtilega á óvart. Ljósmynd/Gott í matinn

Hér er á ferðinni ótrúlega góður kjúklingaréttur í rjómalagaðri bernaisesósu sem kemur skemmtilega á óvart og kemur af uppskriftvef Gott í matinn. Þennan er tilvalið að prófa við fyrsta tækifæri, þessi réttur er líka fullkomin sunnudagskvöldmatur og er ótrúlega einfalt að matreiða.

Kjúklingur með rjómabernaisesósu

Fyrir 4

4 stk. kjúklingabringur, má líka nota úrbeinuð kjúklingalæri
2 msk. smjör til steikingar
500 ml matreiðslurjómi frá Gott í matinn
2 msk. dijon sinnep
4 tsk. estragon
4 tsk. bernaise essens
2 msk. kjúklingakraftur (1 teningur)
Sjávarsalt og nýmalaður svartur pipar eftir smekk

Aðferð:

Hitið ofninn í 200°C.
Brúnið kjúklinginn í smjöri á báðum hliðum.
Kryddið til með sjávarsalti og nýmöluðum pipar.
Setjið kjúklinginn í eldfast mót og bakaðu í 20 mínútur í ofni þar til hann er fulleldaður.
Hellið matreiðslurjóma í djúpa pönnu, síðan sinnepi, estragoni, kjúklingakrafti og bernaise essens.
Hitið upp að suðu, settu kjúklinginn út í og leyfðu að malla í 5 mínútur við lágan hita.
Berðið réttinn fram með hrísgrjónum, steiktu eða fersku grænmeti og heitu snittubrauði.