Ragnheiður gleðigjafi býður upp á vikumatseðilinn
Setja bókamerki
Tengdar fréttir
Uppskriftir
Ragnheiður Georgsdóttir rekstrarstjóri veitingastaðarins Farmers Bistro í Flúðasveppum á heiðurinn af vikumatseðlinum að þessu sinni og er í hennar anda. Ragnheiður hefur mikla útgeislun og gleðigjafi og smitar út frá sér alls staðar sem hún kemur enda mikill húmoristi. Hún er fjölskyldumanneskja og nýtur þess að vera kringum fólkið sitt.
„Ég á eina dóttur sem heitir Kirsten, mann sem heitir Heiðar og tvö stjúpbörn, Dagnýju Lind og Hauk Snæ. Eins og fram hefur komið rek ég veitingastaðinn Farmers Bistro í Flúðasveppum. Við erum að framreiða mat fyrst og fremst úr því sem við erum að rækta og svo úr nær umhverfi og ég reyni að gera það líka þegar ég er að elda heima,“ segir Ragnheiður.
Fædd og uppalin í grænmetismekka Íslands
Aðspurð segir Ragnheiður að hún mætti taka sér taki heima við í matargerðinni. „Ég mætti vera duglegri að elda heima á kvöldin, það er nú samt farið að aukast. Núna er Kirsten að verða 6 ára og farin að borða meiri fjölbreyttari mat, sem betur fer. Þannig að gleðin við að elda er að blossa aftur upp. Við mæðgurnar erum bara tvær á heimilinu, nema þegar Heiðar og krakkarnir koma. Ég elska einfaldleika og nota mjög mikið af grænmeti. Ég er fædd og uppalin í grænmetis mekka Íslands, Flúðum og Pabbi minn á Garðyrkjustöðina Jörfa og Flúðasveppi. Þannig að ég reyni nú að troða þeim afurðum sem við ræktum sem mest í matargerðina hjá mér,“ segir Ragnheiður og hlær.
Hér er vikumatseðillinn sem er í anda Ragnheiðar, einfaldur og ljúffengur í senn. Réttir sem allir ráða við að matreiða. Fullkomið að huga að einfaldleikanum áður en allir detta í jólakræsingarnar sem fram undan eru.
Mánudagur – Ostafylltar kjúklingabringur
„Kirsten dóttir mín elskar kjúkling og þessi réttur er svo einfaldur. Hver elskar ekki kjúkling í rjómalegi?“
Þriðjudagur – Spaghettí með sveppum og spínati sem steinliggur
„Þriðjudagar eru alltaf svolítið annasamir hjá mér þá vil ég eitthvað fljótlegt og gott. Spaghettí og sveppir, gerist ekki betra og þessi réttur er geggjaður.“
Miðvikudagur- Saðsamur og góður ofnbakaður lax
„Fiskur er ekki í uppáhaldi hjá kærastanum þannig að ég reyni að vera með fisk þegar hann er ekki hjá okkur. Sem betur fer elskar Kirsten fisk. Og miðvikudagar eru æfingadagar hjá mér og þá er best að vera ekki með of þunga máltíð. Þessi uppskrift er ein af uppáhalds, meðlæti er ekki einu sinni ómissandi.“
Fimmtudagur – Pitsaveisla með tómötum
„Þar sem dóttir mín fer annan hvern föstudag til pabba síns þá eru alltaf pitsudagar á fimmtudögum hjá okkur. Ég er ný farin að borða tómata á pizzu og þegar þú byrjar á því þá getur maður ekki hætt. Þessi pitsa er „too die for.“
Föstudagur – Hamborgari með smjörsteiktum sveppum og geggjaðri sósu
„Þegar ég fæ mér hamborgara þá vil ég að það sé allt á honum. Þá sérstaklega smjörsteiktir sveppir auðvitað og góður ostur. Þessi hamborgari er einn af mínum uppáhalds.“
Laugardagur – Kjúlkingaréttur í mexíkósósu sem bráðnar í munni
„Á laugardögum er alltaf bíókvöld hjá mér og Kirsten, þá er ég yfirleitt með einhvern ofnrétt. Þessi slær öll met, við erum að narta í þetta allt kvöldið með snakkinu sem hefur verið keypt fyrir bíókvöldið.“
Sunnudagur – Rjómalöguð kjúklingasúpa með pasta
„Sunnudagar eru yfirleitt súpudagar, eða ég kalla þá letidaga. Það er svo auðvelt að henda í allskonar mismunandi súpur. Þessi súpa er mjög vinsæl á mínu heimili.“
Tengdar fréttir
Uppskriftir
„Það er enginn að skjóta sendiboðann“
„Það er verið að slátra íslenskum heimilum“
Sérkennilegt hjá borginni
Þrefalt stærra en gosin í desember og janúar
Kerfið streitist á móti
„4-5% gólf sem við verðum bara að brjótast í gegnum“
„Farnir að halda verðbólgunni uppi“
„Aðför að samfélaginu í heild sinni“