Lygileg endurkoma Chelsea gegn United
Setja bókamerki
Cole Palmer var hetjan er Chelsea vann ótrúlegan endurkomusigur á Manchester United í 31. umferð ensku úrvalsdeildar karla í fótbolta á Stamford Bridge í kvöld.
Chelsea er nú í tíunda sæti með 40 stig en Manchester United er í sjötta sæti með 48 stig.
Leikurinn var stórskemmtun og sóttu bæði lið mikið að marki hvors annars.
Frábær byrjun Chelsea
Conor Gallagher kom Chelsea yfir snemma leiks. Þá sótti Chelsea hratt og Malo Gusto sendi boltann fyrir markið. Af Raphael Varane, varnarmanni United, barst hann til Conors Gallagher sem smellti boltanum í netið, 1:0. Spurning hvort André Onana hefði getað gert betur í markinu.
Vont varð verra hjá United á 19. mínútu þegar að Cole Palmer kom Chelsea í 2:0 úr vítaspyrnu. Þá hafði Antony brotið á Mykhaylo Mudryk í teig United og Jarred Gillett dómari benti á punktinn.
Endurkoma United
Chelsea-liðið var með alla stjórn á leiknum en á 34. mínútu sendi miðjumaður liðsins Moises Caicedo boltann beint á Alejandro Garnacho sem keyrði að marki Chelsea og minnkaði muninn, 2:1.
Bruno Fernandes jafnaði metin fimm mínútum síðar, 2:2. Þá stangaði hann boltann í gagnstætt horn eftir fyrirgjöf Diogo Dalot og allt jafnt á Stamford Bridge.
Garnacho var aftur á ferðinni á 67. mínútu. Þá átti Antony stórkostlega utanfótarsendingu fyrir markið, beint á kollinn á Garnacho sem stangaði boltann í netið, 3:2, og endurkoman fullkomnuð.
Lygilegur uppbótartími
United hélt að sigurinn væri kominn í höfn en alveg undir lok leiks fékk Chelsea vítaspyrnu. Þá braut Diogo Dalot á Noni Madueke inn í eigin teig og víti dæmt.
Aftur steig Palmer á punktinn og aftur skoraði hann örugglega, 3:3.
Palmer fullkomnaði svo endurkomu Chelsea á elleftu mínútu uppbótartímans er hann skoraði sigurmarkið Chelsea sem fór af Scott McTominay og í netið, 4:3.
Chelsea heimsækir Sheffield United næstkomandi laugardag. Þá fær United Liverpool í heimsókn í stórleik helgarinnar í ensku úrvalsdeildinni.
| Chelsea | 4:3 | Man. United |
|
|---|---|---|---|
| Noni Madueke (Chelsea) á skot sem er varið Ágætis skotfæri en beint á Onana. | |||
Verkefnin snúa að velferð fólksins
Frelsi sem fylgdi því að loka Önnu Jónu
Rímar „engan veginn“ við Veðurstofuna
Hörð átök á milli nemenda og táragasi beitt
Loftslagsdómurinn út í loftið
3.800 gígawattsstundir af viðbótarorku árlega
Hvað verður um plastið?