Yasser Arafat, leiðtogi Palestínumanna, hefur fengið leyfi Ísraela til að yfirgefa skrifstofur sínar í bænum Ramallah á Vesturbakkanum, þar sem hann hefur setið í herkví síðan í desember 2001, til að leita sér læknis, að þvíer ísraelska sjónvarpið greindi frá í dag.
Sjónvarpið rauf dagskrá sína til að tilkynna að varnarmálaráðherra Ísraels, Shaul Mofaz, hefði veitt leyfið vegna hnignandi heilsu Arafats, eftir að hafa ráðfært sig við ísraelsku öryggislögregluna.