Silvio Berlusconi, forsætisráðherra Ítalíu, sagði í dag að ítalskir hermenn yrðu í Írak svo lengi sem írösk stjórnvöld teldu þörf á. Hann lét þessi ummæli falla eftir fund með bráðabirgðaforsætisráðherra Íraks, Ayad Allawi. Ungverjar lýstu yfir í gær að þeir myndu kalla 300 hermenn sína heim frá Írak í lok mars á næsta ári.

Allawi hitti einnig Jóhannes Pál páfa í Vatikaninu í dag. Páfi lýsti yfir stuðningi við að lýðræðislegum stofnunum yrði komið á fót í Írak og sagðist vera „náinn írösku þjóðinni, sem hefur gengið í gegnum svo miklar þjáningar á síðustu árum.“

Aðstoðarmaður páfa las upp stutta yfirlýsingu, þar sem páfinn sagðist biðja „fyrir öllum fórnarlömbum hryðjuverka og tilefnislauss ofbeldis“ og þeim sem ynnu að endurreisn Íraks. Fundur Allawis og páfanst stóð yfir í tíu mínútur. Páfinn minntist ekkert á andstöðu sína við stríðið í Írak í yfirlýsingunni, en hann er yfirlýstur andstæðingur þess.

Tengdar fréttir

Stríð í Írak

25.000 flóttamenn hafa snúið aftur til Írak

• Tíu létust í tveimur sjálfsvígsárásum í Bagdad
• Blair neitar því að borgarastyrjöld ríki í Írak
• Meirihluti Dana styður brotthvarf hermanna frá Írak
• Fjórir íraskir hermenn ákærðir fyrir nauðgun

» Fleiri tengdar fréttir

• Blogga um frétt