Nakinn og til vandræða
Maðurinn var til vandræða í verslun Hagkaupa í Skeifunni.
mbl.is/Friðrik
Setja bókamerki
Öryggisvörður í Hagkaup í Skeifunni tilkynnti í nótt um nakinn mann sem var til vandræða í versluninni. Þegar lögreglan kom á staðinn var maðurinn kominn í ritfangaverslunina Office 1 skammt frá þar sem hann var einnig til vandræða. Maðurinn er um tvítugt.
Að sögn lögreglunnar er talið að hann hafi verið undir áhrifum ofskynjunarsveppa.
Þannig lágu föt hans á víð og dreif um nágrenni Hagkaupa en hann fékk að sofa úr sér hjá lögreglunni.
Hann á yfir höfði sér ákæru vegna óspekta á almannafæri, enda væntanlega sært blygðunarsemi viðstaddra, að sögn lögreglu.
Annars var nóttin róleg hjá lögreglunni á höfuðborgarsvæðinu.
Átta létust og 229 slösuðust alvarlega
Halla svarar fyrir útgjöldin hjá Orkustofnun
Fólk í kosningateymi Höllu fékk milljónir frá OS
Olíufélögin fái milljarða í afslátt frá borginni
Dómari vanhæfur í Hvammsvirkjunarmáli
Stjórnvöld hafa tvo mánuði til að bregðast við
Verkfallsaðgerðir á Keflavíkurflugvelli samþykktar
