Gengið getur verið frábrugðið á milli banka

Seðlabanki Íslands tilkynnti í morgun um að hann hafi verið reiðubúinn að eiga viðskipti á millibankamarkaði á gengi sem tekur mið af gengisvísitölu 175 og að evran kosti 131 krónu. Skv. upplýsingum sem fengust úr seðlabankanum eiga viðskipti á því gengi aðeins við þar. Í öðrum viðskiptum ræðst gengið á markaði og í bönkum kostaði evran um og yfir 200 krónur.

Þeir sem eiga í gjaldmiðlaviðskiptum við viðskiptabankana kaupa því gjaldeyri á öðru gengi en því sem seðlabankinn vill eiga viðskipti með á millibankamarkaði.

Bankarnir eiga í gjaldmiðlaviðskiptum við sína viðskiptavini á svokölluðu markaðsgengi, sem hefur ekki verið - og þarf ekki að vera - nákvæmlega það sama og hið opinbera skráða gengi, eða það sem er notað á millibankamarkaði.

 Markaðsgengið getur verið ólíkt milli bankanna og það getur hreyfst. Enda um annan markað að ræða heldur en viðskipti á millibankamarkaði.

Á vef seðlabankans kemur fram að opinbera gengisvísitala dagsins var 181,7 stig. Gengið á millibankamarkaði hreyfist og breytist hins vegar yfir daginn.

• 3 blogg um fréttina

Bloggað um fréttina

• Púkinn: Vandamál erlendra starfsmanna íslenskra fyrirtækja
• Stefán Friðrik Stefánsson: Alvarleg gjaldeyriskreppa
• Guðmundur Ásgeirsson: Hæð DO er ca. 175cm!