Hildur og Linda um VIP-partíið - Lilja bakkar út

Netheimar hafa logað síðan fréttir bárust af svokölluðu VIP-partíi sem haldið verður næsta laugardag. Monitor hitti þær Hildi Líf og Lindu Ýr sem standa fyrir partíinu en Lilja Ingibjargardóttir, sem upphaflega var sögð bera ábyrgð á partíinu, hefur hins vegar ákveðið að draga sig út úr partíhaldinu.

„Það er alltaf einn og einn sem hangir í fræga fólkinu og það er pirrandi. Maður nennir því ekki. Þeir sem eru í bransanum kunna að haga sér í sviðsljósinu,“ var haft eftir Lilju á vefnum bleikt.is. Vöktu þessi ummæli hörð viðbrögð.

Í meðfylgjandi myndskeiði segja þær Hildur og Linda að Lilja hafi aðeins átt að aðstoða þær og að ummæli hennar hafi á engan hátt endurspeglað hugsunina á bak við partíið.

• Blogga um frétt