Við Brúnaland í Fossvoginum er að finna einstakt raðhús sem hefur að geyma helstu þá töfra sem einkennt geta slík híbýli. Um er að ræða 229 fm endaraðhús sem byggt var 1972. Endaraðhúsið er í hásuður og er á fjórum pöllum.
Gengið er inn í húsið í norður og er eldhús og salerni og borðstofa á miðpallinum. Eldhúsgluggarnir snúa í norður á meðan stofan er í hásuður. Nokkrar tröppur liggja upp í stofu en þar er risastór gluggaveggur en fyrir framan þær, að utan til, eru svalir. Arinn er í stofunni sem er smekklega hannaður.
Í eldhúsinu er innrétting úr palesander sem er sérlega heillandi. Hún er U-laga með áföstu eldhúsborði. Slíkir gripur eru sjaldgæf sjón og mikið dýrindi. Á gólfunum eru sænskar Höganäs-flísar sem voru vinsælar á því tímabili sem húsið var byggt og þykja ennþá fallegar.
Á miðpallinum er veggirnir klæddir í stíl við eldhúsinnréttinguna og eru innihurðar í í sama stíl, nema á neðsta pallinum eða þeim fjórða. Þar eru örlítið nýrri innihurðar.