Bjórkvöld hlaðvarpsþáttarins Þjóðmála fór fram á miðvikudaginn á Kringlukránni. Fjöldi fólks mætti til þess að fá sér bjór og borða mat en ekki síst til þess að hlusta á þegar nýr þáttur af Þjóðmálum var tekinn upp. 

Stjórnmálafólk, fjölmiðlafólk og aðrir stuðboltar sem kunna að meta góða ástæðu til þess að fá sér bjór á miðvikudegi létu sig ekki vanta. Ekki voru sæti fyrir alla sem mættu og létu menn eins og Björn Ingi Hrafnsson fjölmiðlamaður á Viljanum sér nægja að standa við barinn. 

Eins og sjá má á myndunum hér fyrir neðan var mikið stuð á Kringlukránni.