Íslenski landsliðsframherjinn Kolbeinn Sigþórsson er meiddur á öxl og er því ekki í leikmannahópi Ajax sem mætir NAC Breda í þriðju umferð hollensku úrvalsdeildarinnar á morgun.
Þetta kemur fram á Facebook-síðu Ajax en Kolbeinn sat á bekknum í síðasta leik eftir að hafa spilað 90 mínútur með íslenska landsliðinu gegn Færeyjum á miðvikudaginn í síðustu viku.
Kolbeinn var aftur á móti í byrjunarliði Ajax í fyrstu umferðinni gegn AZ og tryggði þar liði sínu stig með marki á 83. mínútu.