Franski miðjumaðurinn Morgan Schneiderlin hefur formlega óskað eftir því að vera seldur frá Southampton. Hann hefur verið á mála hjá liðinu í sex ár, en hann kom frá Strasbourg árið 2008 og hefur síðan þá spilað 205 deildarleiki fyrir félagið.
Það hefur verð mikill flótti úr herbúðum Southampton í sumar og alls níu leikmenn verið seldir. Sjálfur tjáði Schneiderlin sig á Twitter í gær og opinberaði þá óánægju sína með stöðu mála hjá liðinu.
Enskir miðlar greindu í kjölfarið frá því að félagið hafi ekki standið við loforð um að hann mætti fara ef hann vildi það, en hann hefur nú opinberlega lagt fram ósk um sölu.
6 years of an amazing journey #saintsfc DESTROYED in 1 hour !!!
— Morgan Schneiderlin (@SchneiderlinMo4) July 29, 2014