Brasilíumaðurinn Philippe Coutinho, leikmaður Liverpool, mun ekki fara með liðinu til Írlands þar sem liðið mun leika æfingaleik gegn Athletic Bilbao í Dyflinni.
Leikmannahópur Liverpool var tilkynntur í morgun á heimasíðu félagsins og þar kom fram að Brasilíumaðurinn sé með eymsli í baki og fari því ekki með.
Auk Coutinho mun Daniel Sturridge ekki vera með vegna meiðsla á læri og þá er fyrirliðinn Jordan Henderson veikur.
Fréttirnar um að Coutinho ferðist ekki með Liverpool í dag er aðeins olía á eld frétta þess efnis að kappinn sé mögulega á leið til Barcelona, og fylli að einhverju leyti í skarð Neymars, sem var keyptur til Paris Saint Germain á metfé í gær.
Jürgen Klopp, knattspyrnustjóri Liverpool, hefur ítrekað sagt í fjölmiðlum að undanförnu að kappinn sé ekki til sölu.
Fréttir mbl.is: