Erfiður endir Klopp hjá Liverpool
Setja bókamerki
Liverpool missteig sig enn einu sinni er liðið gerði jafntefli, 2:2, við West Ham í ensku úrvalsdeild karla í knattspyrnu á heimavelli West Ham í Lundúnum í dag.
West Ham er í áttunda sæti með 49 stig. Liverpool er í þriðja með 75 stig, tveimur stigum frá toppliði Arsenal og stigi frá Manchester City í öðru. Arsenal á þó leik til góða á Liverpool og City tvo.
Verður því að teljast mjög ólíklegt að Liverpool verði Englandsmeistari á þessu síðasta tímabili Jürgens Klopps.
Frábær seinni hálfleikur dugði skammt
Eftir tíðindalítinn fyrri hálfleik komst West Ham yfir á markamínútunni, 43. Þá stangaði Jarrod Bowen fyrirgjöf Mohammed Kudus í netið með glæsibrag, 1:0.
Allt annað Liverpool-lið mætti í síðari hálfleikinn en eftir aðeins þrjár mínútur jafnaði Andrew Robertson metin, 1:1.
Þá kom Luis Díaz boltanum á Skotann sem kom honum í netið á nærstönginni.
Liverpool komst síðan yfir með skrautlegu sjálfsmarki á 65. mínútu. Þá skaut Cody Gakpo í Angelo Ogbonna og þaðan fór boltinn fyrst í Tomas Soucek og síðan Alphonse Areola markmann West Ham og í netið, 2:1 fyrir Liverpool.
Liverpool-menn fengu ótal tækifæri til að bæta við þriðja markinu en fjórða mark leiksins kom West Ham megin.
Þá stangaði Michail Antonio fyrirgjöf Bowen listilega í netið og jafnaði metin, 2:2.
Liverpool fær Tottenham í heimsókn í næsta leik. Þá heimsækir West Ham Chelsea.
| West Ham | 2:2 | Liverpool |
|
|---|---|---|---|
| Liverpool fær hornspyrnu | |||
Skuldahalinn lengist í Reykjavík
Vannýtt alþjóðleg tækifæri í heilbrigðiskerfinu
„Gleymum því ekki að okkar vali fylgir ábyrgð“
„Miklar líkur á rýmingu á næstu sólarhringum“
Hvernig er vitað að þessi kona átti þetta barn?
Næsta eldgos fær mikið forskot
Fyrsta 360 gráða yfirlitsmyndin frá goslokum