Skotinn Andy Murray er kominn í úrslitaleikinn í karlaflokki á Opna ástralska mótinu í tennis í fjórða skipiti eftir að hafa sigrað Tomas Berdych frá Tékklandi í dag.
Murray vann leikinn 6:7, 6:0, 6:3 og 7:5 og mætir annaðhvort Novak Djokovic eða Stan Wawrinka en þeir mætast í hinum undanúrslitaleiknum í dag.
Þetta verður fyrsti úrslitaleikur Murray á stórmóti síðan hann vann Djokovic á Wimbledon fyrir tveimur árum en sá áttundi á ferlinum.