Guðmundur Þórður Guðmundsson og lærisveinar hans í Fredericia lögðu Ringsted að velli, 29:25, í úrslitakeppninni um danska meistaratitilinn í handknattleik karla í dag.
Þegar ein umferð er eftir af úrslitariðlinum er GOG með 7 stig, Fredericia 6, Skjern 6 og Ringsted 4 stig.
Tvö efstu lið riðilsins komast í undanúrslitin en Fredericia fær GOG í heimsókn í lokaumferðinni um næstu helgi og það er því hreinn úrslitaleikur liðanna.
Einar Þorsteinn Ólafsson var að vanda í vörn Fredericia í dag en skoraði ekki í leiknum.