Bandaríski körfuknattleiksmaðurinn Remy Martin, sem hefur farið á kostum með Keflavík, reif hásin gegn Grindavík í fyrsta leik liðanna í undanúrslitum Íslandsmótsins í körfubolta í gærkvöldi.
Martin verður því ekki meira með Keflavík á tímabilinu en Vísir greinir frá.
Hásinin á að hafa rifnað en hann fór ekki alveg í sundur. Meiðslin eru þó talin það alvarlega að hann tekur ekki frekari þátt í úrslitakeppninni með Keflavík.
Grindavík vann leikinn í gær, 102:94, en Martin var búinn að skora 18 stig og gefa þrjár stoðsendingar er hann fór af velli um miðjan annan leikhluta.
Liðin eigast næst við í Keflavík næsta laugardagskvöld.