FL Group selur í Finnair
Setja bókamerki
FL Group hefur selt 11,7% eignarhlut í finnska flugfélaginu Finnair og er sala bréfanna í samræmi við stefnu félagsins um að minnka fjárfestingar tengdar flugrekstri. Í lok þriðja ársfjórðungs var eignarhlutur FL í Finnair metinn á 22,1 milljarð króna en félagið átti 22,4% hlut. Hefur markaðsvirði hlutar sem nú var seldur minnkað um 2,8 milljarða króna á fjórða ársfjórðungi.
Í tilkynningu frá FL Group kemur fram að sala bréfanna falli vel að þeirri yfirlýstu stefnu stjórnenda Finnair, að auka dreifingu eignarhalds, en fyrir söluna áttu FL Group og finnska ríkið um 80% af útistandandi hlutafé félagsins.
FL Group er áfram annar stærsti hluthafinn í Finnair, með 12,7% eignarhlut í félaginu.
„Í lok þriðja ársfjórðungs var heildarvirði hlutar félagsins í Finnair um 22,1 milljarður króna og samsvarar raunverulegu markaðsvirði hlutarins, þar sem FL Group færir allar sínar eignir á markaðsvirði í árshlutauppgjörum. Samhliða óróa á alþjóðlegum fjármálamörkuðum og almenna lækkun hlutabréfa í flugfélögum undanfarna mánuði, hefur markaðsvirði þess hlutar sem nú er seldur lækkað um 2,8 milljarða króna á fjórða ársfjórðungi," samkvæmt tilkynningu til Kauphallar OMX á Íslandi.
Yfir 20 manns í rútuslysi á Suðurlandi
Ummerki á vegi gefa vísbendingar um orsök
Bara Íslendingar í rútunni: Allir slasaðir
Þrír köstuðust útbyrðis: „Ég eins og skopparakringla“
/frimg/1/49/44/1494423.jpg)
Hamas gerir árás á Tel Avív
Ég fór bara að grenja
Hvenær birtast fyrstu tölur?
Ein vika í kosningar: Línurnar teknar að skýrast