FL Group vísar á bug fullyrðingum í frétt danska blaðsins Børsen þess efnis að FL Group sé að undirbúa sölu á Sterling. Í frétt Børsen er snúið út úr orðum Jóns Sigurðssonar, forstjóra FL Group, sem aðspurður um hvort hann teldi að FL Group yrði enn meðal hluthafa í Sterling eftir 5 ár, sagðist hann telja líklegt að innan fimm ára yrðu komnir nýir hluthafar að Sterling. Það þýðir alls ekki að FL Group sé að undirbúa sölu á Sterling, að því er segir í tilkynningu frá FL Group.

Einnig skal tekið fram Sterling er ekki í beinni eigu FL Group, heldur norræna ferðaþjónustufyrirtækisins Northern Travel Holding, sem einnig á Iceland Express og Astraeus að fullu leyti, ásamt hlutum í ferðaskrifstofum í Svíþjóð og Danmörku. Eignarhlutur FL Group í NTH er 34%.

Tengdar fréttir

FL Group

Stefnt að sölu á hlut FL Group í Sterling samkvæmt Børsen

• Tveir framkvæmdastjórar hætta hjá FL Group
• 67,3 milljarða tap á FL Group
• Hagnaður Finnair 26,9 milljónir evra
• FL hættir viðræðum við breskt félag um yfirtöku

» Fleiri tengdar fréttir

• Blogga um frétt