Viðskipti | mbl | 4.3.2014 | 19:40 | Uppfært 5.3.2014 1:52

Svona mun Hlíðarendi líta út

Mynd 1 af 10 Hlíðarendasvæðið séð úr suðri. Hægra meginn má sjá íþróttahús Vals, nýjan fótboltavöll og væntanlegt knatthús. Þar hliðin á er ætlað að byggja um 200 stúdentaíbúðir eða stúdentaeiningar, þar sem nemendur gætu t.d. sameinast um eldhús. Vinstra meginn koma svo fjórir reitir þar sem hin nýja byggð Valsmanna mun rísa. Gert er ráð fyrir að húsin verði 3-5 hæða. Lengst til vinstri er svo skipulög atvinnu- og þjónustubyggð, en Reykjavíkurborg á það land. Mynd/Hlíðarendabyggð

Mynd 2 af 10 Hlíðarendabyggð séð úr norðri. Hótel Natura er þar í bakgrunni. Mynd/Hlíðarendabyggð

Mynd 3 af 10 Í miðju hvers byggingarreits er gert ráð fyrir stórum inngarði, en þar undir verður bílastæðakjallari. Mynd/Hlíðarendabyggð

Mynd 4 af 10 Hér má sjá hvernig hverfinu verður skipt niður milli íbúða og atvinnustarfsemi. Mynd/Hlíðarendabyggð

Mynd 5 af 10 Tölvugerð mynd af inngarði. Mynd/Hlíðarendabyggð

Mynd 6 af 10 Mikið verður lagt upp úr breiðum hjólastígum, en á meðfylgjandi mynd sýnir punktalínan þær götur þar sem hjólastígar verða. Mynd/Hlíðarendabyggð

Mynd 7 af 10 Stefnt er að því að byggðin verði 3-5 hæða og reynt verður að líkja eftir evrópskum fyrirmyndum. Mynd/Hlíðarendabyggð

Mynd 8 af 10 Tölvuteiknuð mynd. Þarna sést ágætlega það pláss sem hjólreiðafólki er ætlað í nýja skipulaginu. Gert er ráð fyrir hjólaakreinum við flestar götur hverfisins. Mynd/Hlíðarendabyggð

Mynd 9 af 10 Á neðstu hæð á svæðinu veða verslanir og þjónusta ríkjandi. Mynd/Hlíðarendabyggð

Mynd 10 af 10 Á efri hæðum er gert ráð fyrir að íbúðir verði fyrirferða mestar. Mynd/Hlíðarendabyggð

Í dag var kynnt breytingartillaga að deiluskipulagi Hlíðarendasvæðisins, en áformað er að reisa þar allt að 850 íbúðir og sex þúsund fermetra af verslunar- og þjónustuhúsnæði. Verið er að fjölga íbúðum töluvert, en í fyrra skipulagi voru þær 360. Gert er ráð fyrir jarðvegsframkvæmdum í haust og að uppbygging hefjist næsta vor.

Á kynningunni í dag sýndu Valsmenn hf., félag sem stofnað var um uppbyggingu á stærstum hluta svæðisins, myndir af því hvernig ætlunin væri að það liti út og hvernig skipulagið væri útfært. Meðfylgjandi er hluti þeirra mynda, en þar má meðal annars sjá hvernig ætlunin er að byggja upp íþróttasvæði Vals og koma upp svokallaðri randbyggð við Hlíðarenda.

Frétt mbl.is: Íbúðir á Hlíðarenda gætu orðið 850

Frétt mbl.is: Áherslan á smærri íbúðir við Hlíðarenda

Frétt mbl.is: Líkir Hlíðarenda við evrópskar borgir