Það er ekki ofsögum sagt að íslenska þjóðin sé gagntekin af íslenska knattspyrnulandsliðinu á EM og fögnuðurinn var eftir því þegar Austurríkismenn voru lagðir að velli í gær. Skemmtilegt er að skoða hvernig kortanotkun landsmanna á leikdeginum speglaði þetta stóra áhugamál.

Á meðfylgjandi súluriti frá Valitor sést að Íslendingar voru aðeins kaupglaðari en ella fyrri hluta gærdagsins. Væntanlega voru margir þá að kaupa aðföng fyrir fótboltateiti dagsins.

Strax kl. 15.30 fór notkun að minnka og kl. 16.00, þegar kortanotkun byrjar fyrir alvöru að aukast á venjulegum degi, hríðféll notkunin.

Í hálfleik, kl. 16.50, má sjá stökk upp aftur og notkunin er svo í sögulegu lágmarki milli kl. 17.40 og 17.50 þegar allt ætlaði um koll að keyra.

Strax upp úr 18.30 er notkunin síðan aftur komin á venjulegt ról.

Tengdar fréttir

EM 2016 í fótbolta

Danir slógu Evrópumeistarana úr leik

• Landsliðið tilnefnt til verðlauna – almenningur kýs
• Enska liðið mætti með smá hroka
• Þakklát fyrir boðið til Íslands
• Notkun gagnamagns jókst um 600%

» Fleiri tengdar fréttir

• Blogga um frétt