Auðlindagjöld skili 12,2 milljörðum króna
Setja bókamerki
Tengdar fréttir
Fiskeldi
Áætlað er að tekjur ríkissjóðs af auðlindagjöldum á sjávarútveg og fiskeldi verði 12,2 milljarðar króna árið 2024. Þar af er 2,1 milljarður vegna verðmætagjalds af fiskeldi, að því er fram kemur um tekjur ríkissjóðs í fjárlagafrumvarpi ríkisstjórnarinnar.
Aukning í gjaldtöku af fiskeldi verður til af samverkandi ástæðum. stærstan hluta hækkunarinnar má rekja til þess að verðmætagjaldið er hækkað úr 3,5% í 5%. Gerist þetta samhliða fyrirséðar hækkunar innheimtuhlutfalls í samræmi við aðlögunarákvæði sem fylgdi lagasetningu um gjaldtökuna sem samþykkt var árið 2019. Ákvæðið kveður á um að gjald á fiskeldi verði innleitt í stigum. Var í byrjun innheimt einn sjötti af gjaldinu og svo á að bæta við einum sjötta hluta fram til ársins 2026 þegar gjald leggst á að fullu.
Auk þessara beinu þátta er snúa að álagningu verðmætagjalds er gert ráð fyrir framleiðsluaukningu fiskeldis hér á landi sem skila mun auknum tekjum í ríkissjóð.
Veiðigjaldið sem innheimt er af sjávarútveginum byggir á afkomu við veiða hvers nytjastofns tveimur árum fyrir álagningu gjaldsins og er lagt á í krónum á hvert kílógramm óslægðs afla. Það er því ekki öruggt nákvæmlega hverjar tekjur ríkissjóðs verða en samkvæmt fjárlagafrumvarpi er gert ráð fyrir um 10 milljörðum króna.
Endanleg tekjuáætlun fyrir árið 2024 verður endurskoðuð þegar endanleg ákvörðun um álagningu veiðigjalda árið 2024 liggur fyrir hjá Skattinum í byrjun desember, að því er segir í kynningu á vef stjórnarráðsins.
Tengdar fréttir
Fiskeldi
Landrisið gæti hafa stöðvast og gosið virðist eflast
Dreymdi sjö seli: Katrín verður forseti
/frimg/1/48/83/1488353.jpg)
Hugsaði fyrst um einmanaleika og innilokun
„Síðustu leifar náttúrulegs lífs á Íslandi“
„Jæja, Jón forseti bara mættur“
Verkefnin snúa að velferð fólksins
Fylgið á hreyfingu tvist og bast