Knattspyrnumaðurinn Birkir Bjarnason og franska fyrirsætan Sophie Gordon eignuðust stúlku þann 11. mars síðastliðinn. Stúlkan er fyrsta barn parsins saman.
Bæði Birkir og Sophie deildu gleðifregnunum með fylgjendum sínum á Instagram í gær þar sem þau birtu krúttlega mynd af dótturinni sem hefur fengið nafnið Sofia Lív Birkisdóttir.
Birkir og Sophie eru búsett á Ítalíu um þessar mundir þar sem Birkir spilar með knattspyrnuliðinu Brescia. Hann hefur einnig leikið 113 landsleiki með íslenska karlalandsliðinu í knattspyrnu og skorað í þeim 15 mörk.
Fjölskylduvefurinn óskar þeim innilega til hamingju!