Systir Prince beið eftir tíðindunum í tvö ár
Setja bókamerki
Tyka Nelson, systir söngvarans Prince, segist ekki hafa verið hissa þegar henni var tilkynnt að bróðir hennar hefði látist, en hún hafði búist við slíkum fréttum í tvö ár. Söngvarinn lést í apríl á þessu ári eftir að hafa tekið of stóran skammt ópíumskyldra lyfja.
„Þetta var ekki erfitt. Þetta var þriggja orða símtal: „hann er farinn“ og ég vissi við hvern var átt,“ sagði Nelson í samtali við Entertainment Tonight.
„Ég skellti á, en það var starfsmaður Prince sem hringi. Ég hafði verið að undirbúa mig fyrir þetta í tvö ár þannig að ég vissi að það var von á þessu.“
Þá segir Nelson að bróðir hennar hafi ýjað að dauða sínum tveimur árum fyrr.
„Hann sagði þetta fyrir tveimur árum: „Ég er búinn að gera allt sem ég hef komið hingað til að gera,“ ég var niðurbrotin í tvö ár.“
Þá sagði Nelson einnig að söngvarinn vildi láta minnast sín fyrir lagasmíðar sínar, og að hún hyggist því gefa út eitthvað af þeim áður óútgefnu lögum sem eftir söngvarann liggja.
„Hann hefur samið gríðarlegt magn tónlistar og í einu af okkar samtölum sagði hann að hann vildi láta minnast sín fyrir að vera einn afkastamesti lagasmiður í heimi. Ég ætla að gera allt sem í mínu valdi stendur til að láta þann draum rætast.“
Sleppt úr varðhaldi: Búið að klippa kanta á seðlum
Mikilvægt að skoða af hverju þær velja þessa leið
Kíghósti á töluverðri dreifingu í samfélaginu
Tólf ára drengur illa fótbrotinn
„Þetta þarf að fara að gerast“
„Gleymum því ekki að okkar vali fylgir ábyrgð“
Sundagöng betri en Sundabraut
Tók barn upp úr innkaupakerru móður
