Lögreglan í Los Angeles hefur handtekið karlmann sem er grunaður um að hafa stolið Óskarsverðlaunastyttu Frances McDormand efir verðlaunahátíðina á sunnudag. Búið var að grafa nafn hennar í styttuna þegar henni var stolið. BBC greinir frá.

Hinn handtekni heitir Terry Bryant og er 47 ára gamall. Hann var sjálfur á hátíðinni, en þó ekki sem gestur, heldur starfsmaður.  Hans hlutverk var að taka við miðunum á Governor‘s Ball, sem er formlegur kvöldverður haldinn eftir verðlaunaafhendinguna.

Bryant var með Óskar McDormand í fórum sínum þegar lögreglan handtók hann, en styttunni hefur nú verið komið aftur í réttar hendur.

McDormand hlaut verðlaunin sem besta leikkona í aðalhlutverki fyrir hlutverk sitt í myndinni Three Billboards Outside Ebbing, Missouri. En hún átti eflaust augnablik gærkvöldsins, eft­ir að hún hafði tekið við verðlaun­um fyr­ir hlut­verk sitt sem móðir sem hefn­ir nauðgun­ar og morðs dótt­ur sinn­ar. Bað hún all­ar kon­ur í saln­um sem til­nefnd­ar höfðu verið til verðlauna að standa upp, og bað svo viðstadda að líta í kring­um sig.

„Við höf­um all­ar sög­ur að segja og verk­efni sem þarf að fjár­magna,“ sagði hún við mikið lófa­klapp.

Tengdar fréttir

Óskarsverðlaunin 2018

Kimmel snýr aftur sem kynnir

• Tilvísanir í raunverulegt morðmál
• „Við höfum allar sögur að segja“
• Þessi fengu Óskar
• Jóhanns minnst á Óskarnum

» Fleiri tengdar fréttir

• Blogga um frétt