Maðurinn sem sprengdi sprengju í neðanjarðarlestarkerfi St. Pétursborgar með þeim afleiðingum að 14 létust og tugir særðust, hét Akbarjon Djalilov.

Hann bar einnig ábyrgð á sprengju sem komið var fyrir í annarri lest. Sérfræðingum tókst að aftengja þá sprengju svo hún sprakk ekki.

Lögreglan rannsakar árásina sem hryðjuverk. Um sjálfsmorðsárás var að ræða.

„Lögreglan hefur borið kennsl á manninn sem sprengdi sprengju um borð í lest í neðanjarðarlestarkerfi St. Pétursborgar,“ segir í yfirlýsingu frá stjórnvöldum. „Hann hét Akbarjon Djalilov.“

Í yfirlýsingunni segir að kennsl hafi verið borin á árásarmanninn með lífsýnarannsókn. Lífsýni úr honum fundust einnig á tösku sem önnur sprengja var í á annarri lestarstöð í borginni.

Einnig var stuðst við upptökur úr öryggismyndavélum við að bera kennsl á árásarmanninn. Yfirvöld í Kirgistan hafa sagt að maðurinn sé fæddur árið 1995, fæddur þar í landi en rússneskur ríkisborgari. Rússnesk yfirvöld hafa ekki staðfest það.

Kona leggur blóm á gólf lestarstöðvarinnar við Tæknistofnunina í nágrenni þess staðar þar sem sprengjan sprakk í lestinni í gær. AFP

Tengdar fréttir

Sprenging í St. Pétursborg

Réttað yfir 11 vitorðsmönnum Djalilov

• „Skildi ekki hvað ég var að gera“
• Handtóku skipuleggjanda árásarinnar
• 8 teknir vegna sprengingarinnar í St. Pétursborg
• Gerðu sprengju óvirka

» Fleiri tengdar fréttir

• Blogga um frétt