Fimm vinir um fimmtugt létust
Setja bókamerki
Fimm af þeim átta manns sem létust í árásinni á Manhattan í New York í gær voru vinir frá Argentínu. Þeir voru tæplega fimmtugir. Þeir voru í níu manna vinahóp sem fagnaði 30 ára útskriftarafmæli úr tækniháskólanum í Rosario í Argentínu í New York. Utanríkisráðuneyti Argentínu hefur staðfest lát þeirra. BBC greinir frá.
Einn af þeim 11 manns sem særðust alvarlega þegar árásarmaðurinn, Sayfullo Saipovhann, ók yfir hjólreiðafólk og gangandi vegfarendur var einnig í vinahópnum. Hann liggur þungt haldinn í sjúkrahúsi.
Einn hinna látnu vina, Ariel Erlij sem var eigandi járnfyrirtækis, tók þátt í að greiða kostnað ferðarinnar fyrir vinahópinn til borgarinnar, að sögn argentínskra miðla.
Þriggja daga sorg hefur verið lýst yfir í borginni Rosario í Argentínu.
Annað fórnarlamb árásarinnar var Anne-Laure Decadt, 31 árs frá Belgíu. Þrír Belgar til viðbótar særðust í árásinni. Ekki hafa verið gefin upp nöfn hinna tveggja til viðbótar sem létust í árásinni.
Vannýtt alþjóðleg tækifæri í heilbrigðiskerfinu
Fyrsta 360 gráða yfirlitsmyndin frá goslokum
Skuldahalinn lengist í Reykjavík
Hvernig er vitað að þessi kona átti þetta barn?
Vill ekki „aumingjalegar“ lækkanir á röngum tíma
„Gleymum því ekki að okkar vali fylgir ábyrgð“
„Hætta á því að það dragi úr samstöðunni“