Stormurinn sem spáð var er nú farinn að láta til sín taka og er óveður á Reykjanesbraut og Suðurstandarvegi samkvæmt upplýsingum Vegagerðarinnar. Slæm færð er og hált á vegum um allt land.
Krapasnjór og óveður er á Hellisheiði og Mosfellsheiði en krapasnjór og éljagangur í Þrengslum. Hálka, hálkublettir eða krapasnjór er í uppsveitum á Suðurlandi.
Þæfingsfærð og óveður er á Bröttubrekku. Flughálka er á Laxárdalsheiði og í kringum Búðardal. Hálka og óveður er á Holtavörðuheiði. Þæfingsfærð er á Heydal og þungfært í Álftafirði. Hálka og éljagangur er á Fróðárheiði. Hálka, hálkublettir eða krapasnjór er á öðrum leiðum á Vesturlandi.
Á Vestfjörðum er flughálka á Raknadalshlíð og í Dýrafirði. Snjóþekja og éljagangur er á Mikladal, Hálfdán og Kleifaheiði. Þæfingsfærð er á Barðaströnd, Hjallhálsi og á Innstrandavegi. Þungfært er frá Skálmarnesi að Klettshálsi og í Bitrufirði. Annars er hálka eða snjóþekja.
Á Norðurlandi vestra eru hálka, hálkublettir eða krapasnjór á flestum leiðum. Hálka og óveður er við Stafá á Siglufjarðarvegi.
Flughálka er í Köldukinn og á Mývatnsöræfum. Hálka og skafrenningur er á Öxnadalsheiði. Hálka, hálkublettir eða krapasnjór er á öðrum leiðum á Norður- og Norðausturlandi.
Á Austurlandi er hálka eða hálkublettir á flestum leiðum, þó er flughálka í Hróarstungu.
Hálka eða hálkublettir eru með suðausturströndinni, þó er orðið autt frá Djúpavogi að Höfn.