Búið er að koma báðum stokkum fyrir við lúgur Perlunnar en skipið liggur nú á botni Gömlu hafnarinnar við Ægisgarð. Unnið er að því að herða seinni stokkinn við skipið en því næst verða dælurnar látnar síga niður að stokkunum. Stefnt er að því að dæling hefjist nú um hálfátta og taki um sex klukkustundir. Að sögn Sigurðar Stefánssonar, eiganda Köfunarþjónustu Sigurðar, gengur starfið vel enn sem komið er.

Þá segir Jón Viðar Matthíasson, slökkviliðsstjóri, að slökkviliðið muni vera með mannskap á svæðinu eins lengi og þörf er talin á. „Okkur finnst afskaplega vel hafa verið staðið að öllu og teljum ekki líkur á því að neitt fari úrskeiðis, við erum þarna fyrst og fremst sem öryggisráðstöfun,“ segir Jón Viðar.  

Fylgst með framgangi verksins frá bryggjunni. mbl.is/Júlíus

Stefnt er að því að dæling hefjist um hálfátta. mbl.is/Júlíus

Tengdar fréttir

Perla sekkur í Reykjavíkurhöfn

Kvartmilljarðstjón vegna Perlu

• Slysið rakið til búnaðar
• Lýst yfir altjóni á Perlu
• Perla siglir tæpast aftur
• Mikið verk að hreinsa Perlu

» Fleiri tengdar fréttir

• Blogga um frétt