Gert er ráð fyrir því að það taki nokkra daga að hreinsa og dæla olíu úr sanddæluskipinu Perlu sem sökk í Reykjavíkurhöfn fyrir tveimur vikum. Skipið lá á botni  Reykjavíkurhafnar þar til í gær en þá náðist það á flot. 

Jóhann Garðar Jóhannsson, útgerðarstjóri Björgunar, segir aðgerðina í gær hafa gengið vel. „Nú ertverið að dæla olíu úr aftur- og framvélarrými. Það er mikið verk að hreinsa skipið,“ segir Jóhann og bætir við að engin olíumengun hafi orðið vegna skipsins.

Hann segir enga ákvörðun hafa verið tekna um hvað gert verði við Perlu en sú ákvörðun er í höndum tryggingafélags útgerðarinnar. Ekki hefur heldur verið tekin ákvörðun um að skipið verði flutt úr höfninni.

Eins og kemur fram í Morgunblaðinu í dag er lög­regla og Rann­sókn­ar­nefnd sam­göngu­slysa með Perlu til rann­sókn­ar. Leitað verður að or­sök­um óhapps­ins þegar skipið sökk.

Tengdar fréttir

Perla sekkur í Reykjavíkurhöfn

Kvartmilljarðstjón vegna Perlu

• Slysið rakið til búnaðar
• Lýst yfir altjóni á Perlu
• Perla siglir tæpast aftur
• Leita ástæðna þess að Perla sökk

» Fleiri tengdar fréttir

• Blogga um frétt