Erlend kona sem á að hafa verið haldið nauðugri í starfi á hóteli hér á landi starfaði á Hótel Adam á Skólavörðustíg. Þetta kemur fram í kvöldfréttum Stöðvar tvö, en lögreglan á höfuðborgarsvæðinu rannsakar nú málið. Í frétt Stöðvar tvö segir að fleiri starfsmenn hótelsins hafi leitað til lögreglu vegna gruns um að vera fórnarlömb mansals.

Sagt var frá því í gær að konan hefði aðeins verið með tæpar 60.000 krónur í laun á mánuði og látin deila herbergi með yfirmanni sínum.

Starfsemi Hótel Adam vakti athygli fyrr á árinu þegar greint var frá myndum og orðsendingum til gesta hótelsins þar sem þeir voru varaðir við því að drekka úr krananum á hótelinu. Gestunum var frekar bent á að drekka vatn úr merktum flöskum á hótelinu sem seldar voru á 400 krónur. Síðar kom í ljós að vatnið í flöskunum hefði verið kranavatn.

Í síðasta mánuði komst Neyt­enda­stofa að þeirri niður­stöðu að rekstr­araðilar hótelsins hefðu gerst brot­leg­ir við lög um eft­ir­lit með viðskipta­hátt­um og markaðssetn­ingu þegar vatnið var boðið til sölu und­ir þeim for­merkj­um að krana­vatnið væri í ólagi. Sagði Þór­unn Anna Árna­dótt­ir, sviðsstjóri neyt­enda­rétt­ar­sviðs hjá Neyt­enda­stofu, að rekstr­araðila hefði ekki tek­ist að sanna að vatnið væri í ólagi og var því talið að um vill­andi viðskipta­hætti og blekk­ing­ar væri að ræða.

Þá innsiglaði lögregla ellefu herbergi á hótelinu í febrúar þar sem eigandinn hafði ekki orðið sér úti um tilskilin leyfi.

Vatnsflöskurnar sem gestir voru hvattir til þess að drekka úr

Tengdar fréttir

Hótel Adam

Lögreglan lokaði Hótel Adam í dag

• Greiði 2 milljónir í vangoldin laun
• Vatnssalan ólögleg á Hótel Adam
• Flöskuvatnið var úr krananum
• Ennþá innsiglað á Hótel Adam

» Fleiri tengdar fréttir

• 1 blogg um fréttina

Bloggað um fréttina

• Pétur Arnar Kristinsson: Hótel Horror..