Unglingalandsmóti UMFÍ fór fram á Egilsstöðum og var því slitið með pompi og prakt gærkvöldi. Fjöldi tók þátt í keppni í kökuskreytingum en að henni lokinni tóku við tónleikar með Hildi, Mur Mur og Emmsjé Gauta að ógleymdri flugeldasýningu á Vilhjálmsvelli. Næsta unglingalandsmót UMFÍ verður haldið um verslunarmannahelgina 2018 í Þorlákshöfn.

Í tilkynningu frá UMFÍ kemur fram að mótið hafi í alla staði tekist vel. Keppendur og mótsgestir voru til fyrirmyndar, frábær stemning var hjá fjölskyldum á tjaldstæðum og voru götur bæjarins skínandi hreinar alla mótahelgina.

MC Gauti kom fram á unglingalandsmóti UMFÍ á Egilsstöðum. Ljósmynd/UMFÍ

Við slit mótsins þakkaði formaður UMFÍ, Haukur Valtýsson, heimafélaginu UÍA, bæjarbúum á Egilsstöðum og styrktaraðilum fyrir velheppnað mót og tilkynnti jafnframt að Ungmennasamband Skagafjarðar (UMSS) hljóti Fyrirmyndarbikarinn svokallaða. Bikarinn hlýtur sá sambandsaðili sem sýnt hefur góða umgengni á keppnisstöðum, tjaldsvæði, háttvísi og prúða framgöngu á meðan Unglingalandsmóti UMFÍ stendur.

Á landsmótinu var keppt í mörgum greinum af ýmsum toga en UMFÍ hefur áhuga á að vita hvað gestir mótsins prófuðu margar nýjar greinar og þeim þótti skemmtilegt að prófa og geta keppendur sent UMFÍ línu á netfangið umfi@umf.is eða með skilaboðum á Facebook.

Næsta landsmót UMFÍ verður á næsta ári á Sauðárkróki dagana 13. - 15. júlí, en á sama tíma fer fram landsmót UMFÍ 50 ára og eldri.

Thelma Knútsdóttir, framkvæmdastjóri UMSS, tók við bikarnum fyrir hönd UMSS. Ljósmynd/UMFÍ

Ljósmynd/UMFÍ

Tengdar fréttir

Verslunarmannahelgin 2017

Átta kynferðisbrot verið tilkynnt

• Fréttir af ólátum „orðum auknar“
• Þrjú kynferðisbrot í Eyjum
• Umferð jókst mest á Norður- og Austurlandi
• Tilraun sem tókst ótrúlega vel

» Fleiri tengdar fréttir

• Blogga um frétt