Þor­steinn Víg­lunds­son, fé­lags- og jafn­rétt­is­málaráðherra, segist hafa ríka samúð með stöðu flóttafólks frá Afganistan og Nígeríu sem ákveðið hefur verið að vísa úr landi. Hann segir að það þurfi að gæta að því að móttaka flóttamanna dragist ekki á langinn en nígeríska fjölskyldan hefur verið hér í eitt og hálft ár. 

„Ég hef mjög ríka samúð með stöðu þessa fólks. Við verðum auðvitað sjálf að gæta að því í móttöku flóttamanna, sérstaklega þegar kemur málsmeðhöndlun hælisleitenda, að hún dragist ekki of mikið á langinn,“ segir Þorsteinn í samtali við mbl.is.

Aukinn hagvöxtur vegna innflytjenda og flóttamanna

Hann benti á það á Face­book-síðu sinni um helgina að ef ekki væri fyr­ir inn­flytj­end­ur og flótta­menn hefði hag­vöxt­ur lík­ast til orðið tals­vert minni en raun ber vitni á und­an­förn­um árum. Það þýddi minni vel­meg­un og veik­ara vel­ferðar­kerfi. 

Frétt af mbl.is

Fjölskyldan verður send úr landi

Kær­u­nefnd út­lend­inga­mála synjaði níg­er­ísku hjón­un­um Sunday Iserien og Joy Lucky um end­urupp­töku á máli þeirra í lok ágúst og þar með staðfest ákvörðun um að senda þau og átta ára gamla dótt­ur þeirra Mary úr landi og til Níg­er­íu.

Sunday, Mary og Joy. mbl.is/Kristinn Magnússon

Í gær var einnig staðfest að afgönsku feðginunum Hanyie og Abra­him Maleki verði vísað úr landi. Kær­u­nefnd út­lend­inga­mála hafði tekið fram að þau væru í sér­stak­lega viðkvæmri stöðu en Abra­him er bæklaður eft­ir bíl­slys. 

Frétt af mbl.is

„Ekki búin að gefast upp“

Afgönsku feðginin hafa dvalið hér á landi síðan um jólin en nígeríska fjölskyldan hefur verið hér á landi í eitt og hálft ár.

Ekki óeðlilegt að horft sé til mannúðarsjónarmiða

Þorsteinn segir það ljóst að íslensk stjórnvöld þurfi að einbeita sér að þeim hópi sem kemur hingað, leitar hælis og á rétt á því í samræmi við alþjóðlegar skuldbindingar okkar og augljós mannúðarsjónarmið.

„Þarna er í báðum tilvikum verið að vinna út frá því að réttur viðkomandi einstaklings liggi í öðru Evrópulandi á grundvelli Dyflinnarreglugerðar. Þá finnst mér hins vegar ekkert óeðlilegt að horft sé til mannúðarsjónarmiða ef málsmeðferð hefur dregist mjög á langinn,“ segir Þorsteinn.

Með breyt­ing­um á reglu­gerð um út­lend­inga, sem tók gildi 30. ág­úst, er Útlend­inga­stofn­un veitt heim­ild til að hraða málsmeðferð hæl­is­leit­enda eins og unnt er. Breyt­ing­in fel­ur meðal ann­ars í sér nán­ari út­færslu á meðferð for­gangs­mála hjá Útlend­inga­stofn­un. Þau varða um­sókn­ir ein­stak­linga frá ríkj­um sem stofn­un­in met­ur sem ör­ugg upp­runa­r­íki auk annarra ber­sýni­lega til­hæfu­lausra um­sókna. Þetta kom fram í tilkynningu frá dómsmálaráðuneytinu í morgun.

Þorsteinn Víglundsson. mbl.is/Hanna

Vont þegar málsmeðferð tekur mjög langan tíma

„Ég hef ekki sett mig í smáatriðum inn í stöðu eða rök á bak við ákvörðun í málum þessara tveggja fjölskyldna enda liggur málið ekki á mínu borði. Það er mjög vont þegar málsmeðferð tekur mjög langan tíma, fólk er farið að festa rætur með einhverjum hætti og farið að mynda tengsl við landið. Þá finnst manni ekkert óeðlilegt að það sé ekki síður horft til mannúðarsjónarmiða í málum,“ segir Þorsteinn og bætir við að það verði að forgangsraða.

„Þarna er jafnvægi sem er vandmeðfarið. Það er alltaf einhverjum takmörkunum háð hversu mörgum við getum tekið á móti.“

Tengdar fréttir

Flóttafólk á Íslandi

„Minn tími er ekki búinn“

• Hefur kostað samtals 10,5 milljarða
• Ekki litið svo á að logið sé til um aldur
• Ráðuneytið sendi listann í desember
• Kæra á hendur Semu og Maríu „fabúleringar“

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: Á AÐ VEITA ÞESSU FÓLKI HÆLI HÉR Á LANDI VEGNA …