Fyrstu umræðu um fjárlög lokið
Setja bókamerki
Fyrstu umræðu um fjármálafrumvarpið er lokið á Alþingi, en henni lauk klukkan rétt rúmlega átta í kvöld. Frumvarpið gengur nú til fjárlaganefndar og annarrar umræðu.
Bjarni Benediktsson fjármálaráðherra tók til máls við lok umræðunnar og sagði að honum hefði þótt málefnalega farið yfir frumvarpið í dag. Umræðurnar hefðu tekist ágætlega því ráðherrar hefðu verið til staðar til að svara fyrirspurnum.
„Þessar örlítið styttri ræður hleypa meira lífi í salinn heldur en þessar löngu þungu,“ sagði Bjarni, en ræðutíminn er nú styttri en venjulega vegna þess að tíminn sem þingið hefur til að afgreiða frumvarpið er mjög knappur. Umræðurnar í dag snerust að miklu leyti um heilbrigðiskerfið.
Þakkaði Bjarni að lokum fyrir að það virtist sem allir væru að reyna að gera gott úr stöðunni, þrátt fyrir ólík sjónarmið.
Barn lést í árásinni
„Þetta er ríkisstjórn almannahagsmuna“
Lát hjóna í Neskaupstað: Ákæra gefin út
Hrikalegt að heyra fréttirnar
Bjarni: „Útilokað að þetta geti gengið upp“
„Börn heima sem maður myndi vilja hafa í skjóli“
Alvarleg netárás á Wise
