#12 Rekstur Landspítala, Víkingur Heiðar, RÚV, Trump og pípulagnir
Setja bókamerki
Hvað eiga rekstrartölur Landspítalans, Víkingur Heiðar, Donald Trump, RÚV og Pípulagningasveit Almannavarna sameiginlegt? Jú, allt þetta og meira var til umræðu í nýjasta þætti Spursmála sem sýndur var í beinu streymi hér á mbl.is fyrr í dag.
Runólfur Pálsson forstjóri Landspítala ræddi um stöðu spítalans í samtali við Stefán Einar Stefánsson í Spursmálum. Rætt var um stöðu spítalans í samanburði við tölur sem nýlega voru birtar úr nýju bráðabirgðauppgjöri og sýndu jákvæða afkomu.
Upptöku af þættinum má nálgast í spilaranum hér að ofan og er hún aðgengileg öllum.
Rekstur Landspítalans í brennidepli
Samkvæmt nýútkomnu bráðabirgðauppgjöri kemur fram að spítalinn var rekinn með 0,6% hagnaði á nýliðnu rekstrarári. Sé litið til þess, jafnt sem aukinnar afkastagetu spítalans, virðist svo vera sem samningur stofnunarinnar og Sjúkratrygginga Íslands um þjónustutengda fjármögnun sanni gildi sitt.
Í þættinum sat forstjóri fyrir svörum um nýútgefnar rekstrartölur stofnunarinnar samhliða þeirri stöðu sem ríkt hefur innan spítalans undanfarið. Ber spítalanum að halda sig innan ákveðins ramma fjárframlaga.
Lítur staðan helst að fjármagni, þjónustu og afköstum, aðbúnaði sjúklinga sem lengi hefur verið ábótavant, en ekki eru næg legurými á spítalanum samanborið við fjölda innlagna. Skapar sú staða mikið álag á starfsfólk í kjölfarið sem tíðrætt hefur verið.
Fjörug yfirferð á fréttum vikunnar
Fréttir vikunnar voru að sjálfsögðu á sínum stað. Að þessu sinni mættu þau Steinunn Sigurðardóttir rithöfundur og Sigmar Guðmundsson alþingismaður í settið til að fara yfir þær sem hæst báru og var allt látið flakka.
„Aðför að samfélaginu í heild sinni“
Spá launahækkunum nokkuð umfram kjarasamninga
Mældist á 174 km hraða í gegnum vinnusvæði
Eldgosinu er lokið
Vannýtt alþjóðleg tækifæri í heilbrigðiskerfinu
Samningurinn samræmi bæði vinnuskil og vinnutíma