Ísland verði leiðandi þegar kemur að orkuöryggi
Setja bókamerki
Jennifer Granholm, orkumálaráðherra Bandaríkjanna, segir tvíhliða samstarf Bandaríkjanna og Íslands á sviði orku- og loftslagsmála mikilvægt.
Granholm er í opinberri heimsókn hér á landi í boði Guðlaugs Þórs Þórðarsonar, umhverfis-, orku- og loftslagsráðherra vegna tvíhliða samstarfs ríkjanna á sviði orku- og loftslagsmála.
Samstarfinu var formlega hleypt af stokkunum á umræðufundi fulltrúa Íslands og Bandaríkjanna í Hörpu í dag en í morgun heimsóttu ráðherrarnir Hellisheiðarvirkjun og vinnslusvæði Carbfix á Hellisheiði.
„Mikilvægt að skiptast á upplýsingum“
Granholm segir í samtali við mbl.is að grunnstoðir samstarfs ríkjanna tveggja liggi í raun í þremur mismunandi tæknilausnum; nýtingu hreins jarðhita, hvernig losa má andrúmsloftið við koltvísýring og bæði framleiðslu og nýtingu vetnis.
Bendir ráðherrann á að á Íslandi sé verið að þróa ökutæki sem bæði ganga fyrir vetni og rafmagni og að í Bandaríkjunum sé einnig unnið mikið með vetni.
„Það er mikilvægt að skiptast á upplýsingum um allar þrjár tæknilausnirnar og að taka sameiginlega þátt í verkefnum á fjölþjóðlegum vettvangi svo Ísland verði leiðandi og geti deilt jafnt með öðrum ríkjum sem Bandaríkjunum því sem Ísland hefur áunnið í tengslum við orkuöryggi.“
Samtalið er opið
Aðspurð er Granholm ekki tilbúin að gefa upp hvað ráðuneyti hennar hyggst leggja til mikið fjármagn í tvíhliða samstarf ríkjanna tveggja en segir að ráðuneytið hafi komið að fjármögnun fjölda nýsköpunarverkefna í Bandaríkjunum með íslenskum fyrirtækjum, þar á meðal Carbfix, dótturfyrirtækis Orkuveitunnar.
„Við höfum alltaf áhuga á frekari tækifærum til slíks samstarfs og samtalið er opið hvað það varðar.“
Tímaspursmál hvenær framleiðslu verði hætt
Fordæmir leyndarhyggju í skólamálum
„Hann var lokaður inni í bátnum“
„Mjög miður að af þessu hljótist kostnaður“
Myndskeið: Hátt í 140 lömb á tveimur sólarhringum
Mennirnir í haldi lögreglunnar á Suðurnesjum
„Trúlega rákumst við saman“