Reykjavík Cocktail Weekend byrjaði með pomp og prakt í Hörpu í gær, miðvikudag. Mikil ánægja var með aðstandenda RWC með mætinguna og stemninguna sem í var í loftinu.

„Mæting var vonum framar og mikið var um gleði og gaman. Alls voru tíu aðilar með kynningarbása á svæðinu og nóg var í boði af nýjum og skemmtilegum kokteilum sem kynntir voru til leiks sem runnu ljúft ofan í gesti og gangandi,“ segir Teitur Riddermann Schiöth forseti BCI, Barþjónaklúbbs Íslands.

Fimm komust áfram í úrslit á Íslandsmeistaramótið

Keppt var í Íslandsmeistaramóti Barþjóna í freyðandi kokteil og í kokteil með lágu áfengismagni (LOW ABV) þema keppninni. Fimm barþjónar komust áfram í úrslit í Íslandsmeistaramótinu og voru það eftirfarandi barþjónar:

• Reginn Galdur Árnason með kokteilinn Purple Haze
• Árni Gunnarsson með kokteilinn Arwen
• Bruno Falcao með kokteilinn Red Sparkle
• Grétar Matthíasson með kokteilinn Volvoinn
• Jacek Arkadiusz Rudecki með kokteilinn Strawberry Letter 23

Þessir barþjónar keppa síðan til úrslita á laugardaginn næstkomandi í skriflegu prófi, þef og bragðprófi, og loks aftur í hraðkeppni á sunnudaginn næstkomandi á lokaviðburði RCW.

Þau sem komust áfram í þema keppninni voru:

• Freyja Þórisdóttir með kokteilinn Berry Blossom
• Sigurjón Tómas Hjaltason með kokteilinn Royal Fizz
• Kría Freysdóttir með kokteilinn Pikachu

Úrslit verða svo kunngjörð í báðum flokkum á lokaviðburði RCW á sunnudaginn næstkomandi við hátíðlega athöfn. Einnig fór fram úrslitakosning um kokteilabar ársins 2024, en þar var kosið um 5 staði sem komust áfram í netkosningu fyrr í vikunni.

Þeir staðir sem kosið var um voru:

• Blik Bistro
• Jungle
• Bastard Brew & Food
• Tipsý
• Skreið

Fjölbreytt dagskrá verður alla helgina á RCW og úr nógu að velja. Hægt er að sjá dagskrána hér.